Karaoan te Maroro iaon Abemama ibukin karaoan te kawai 2026.
E tia te Botaki ni Mwakuri ibukin Mwakurian Karikirake ao Kateimatoan Korakora ni karaoa ana maroro ae aua (4) te bong manna iaon Abemama, are e waaki man te Moanibong 19/01/2026 nakon Kabong 22/01/2026.
E raonaki te tiim aio iroun ana aobitia temanna te MELAD ke Botaki ni Mwakuri ibukin Enuaromenta, Aaba ao Karikirakean te Ununiki (MELAD) ni mwananga are tabe ibukin Enuaromenta(MELAD-ECD) ibukin boutokaan te kaongora n irekereke ma kanoan te kamatebwai ke EIA report.
A karaoa aia maroro kain te Tiim aio, ni Kaawan nako Abemama are e moa man, Kabangaki, Manoku, Tebanga Maiaki, ao Tebanga Meang, Bangotan Te Kabwaia, Kariatebike, Reina, Baretoa, Kareken te Kabwaia, Tekatirirake, Tanimainiku, ao ai Tabiang Maiaki ao Tabiang Meang.
Te maroro aio ena rangi ni ibuobuoki nakoia Komuniti ni karekean
- Te ataibwai riki kanoan te iango ma te kataratara ibukin karaoan kawaia.
- Aia titiraki ao n tibwatibwa aron aia tabeaianga n irekereke ma te karikirake
- Bwa ena matata naba nakoia aron mwakurian te karikirake aio bwa e mano n akea te kanganga ae ena karikia nakoia te Botannaomata.
E rangi ni Kukurei nanon te Botaki ni Mwakuri n norakin te boutoka ao n teimatoan te roko inanon tain te kaongora irouia kain Abemama. Maroro ma Kaeka ake a tibwaki inanon tain te maroro e kaota aron korakoran te nano ma te boutoka ibukin karikirakean ao kamanoan te kawai iaon Abemama.
E tabeka bwanana ni kakaitau MISE, nakon te Kautira n Abemama, Tia Babaire ni Kaawa nako, Rabwata ma Komuniti, ake a bane n anga baia ni boutoka te maroro aio, e tokabeti bwa e tokanikai te kaongora aio irouia kain Abemama bwa ea tia arona ngkai.
...............................................................................................................................................
The Ministry of Infrastructure and Sustainable Energy (MISE) is pleased to share that our team completed a community consultation visit to Abemama Island from 19–22 January 2026, as part of the Ministry’s preparations for the Abemama Road Upgrading Project.
This visit was carried out in partnership with the Ministry of Environment, Lands, and Agricultural Development (MELAD) to support the environmental license approval process for the project.
Consultations were conducted with communities in the following villages:
- Kabangaki
- Manoku
- Tebanga Maiaki & Tebanga Meang
- Bangotan Te Kabwaia
- Kariatebike
- Reina
- Baretoa
- Kareken te Kabwaia
- Tekatirirake
- Tanimainiku
- Tabiang Maiaki & Tabiang Meang
These consultations gave community members the opportunity to:
- learn more about the road upgrading plans
- ask questions and share concerns
- understand how the project will be implemented safely and responsibly
MISE is grateful for the warm support and active participation of the people of Abemama. The feedback shared shows strong community interest and support for improved and safer road transport on the island.
MISE sincerely acknowledges the support of the Abemama Island Council, village leaders, and community members who contributed to the consultations